كوميسسيا كوشەلەر مەن جولداردى جينايتىن ەكى ءىرى مەردىگەرلىك ۇيىمنىڭ – «استانا تازالىق» جانە «استانا زەلەنستروي» اق تەحنيكالارىن كورىپ شىقتى. ەكى كومپانيانىڭ دا پاركى 400 مامانداندىرىلعان تەحنيكادان اسادى. كومپانيا باسشىلىعى بارلىق تەحنيكانىڭ قىسقى ماۋسىمنىڭ باستالۋىنا دايىن ەكەندەرىن جەتكىزدى. قىزمەتكەرلەر شتاتى دا جاساقتالعان. قار جاۋعان كۇندەرى كوشەگە ەسىل اۋدانى بويىنشا 526 بىرلىك تەحنيكا, بايقوڭىر اۋدانىندا – 177, سارىارقا اۋدانىندا – 437, الماتى اۋدانىندا – 452 تەحنيكا شىعۋعا دايىن.
قازىرگى تاڭدا, قالانىڭ جاڭا كوشەلەرىن ەسەپكە الا وتىرىپ, مارشرۋت پەن استانا جولدارىن تازالاۋدىڭ رەجيمىن قايتا قاراستىرىلۋدا. اكىمدىك الەۋمەتتىك وبەكتىلەردىڭ كىرە بەرىس جولدارى مەن كۆارتالداردىڭ ىشكى جولدارىنىڭ تەرريتورياسىن, وعان قوسا ۇيلەر مەن اۋلالاردىڭ كىرە بەرىسىنىڭ جولدارىنىڭ تازالانۋىنا ەرەكشە كوڭىل ءبولىپ وتىر. سەبەبى, استانا ەلىمىزدەگى اۋلا الاڭدارىن پيك ەمەس, اۋداندىق اكىمدىك تازالايتىن بىردەن ءبىر قالاسى. الدا تۇرعان قىسقى ماۋسىمعا «استانا تازالىق» قازىردەن 20 مىڭ تەكشە مەتر قۇمدى-تۇزدى قوسپانى دايىنداپ قويدى (جۋىق ارادا تاعى دا 8 مىڭ تەكشە مەترى دايىندالادى). دايىن بولعان رەاگەنت اۋداننىڭ مارشرۋتى بويىنشا ازىرلەنگەن. شىعاتىن تاس جولداردا جانە قاتتى قار جاۋعان كەزدە پايدالانىلاتىن ارنايى روتورلار دا قىسقى ماۋسىمعا دايىن.
استانا باسشىلىعى قاتىسقان جيىندا اۋدان اكىمدەرى, مەردىگەرلىك ۇيىمدار, قالانى سانيتارلىق تازالاۋعا كىرىسكەندەر مەردىگەرلىك ۇيىم وكىلدەرىنىڭ ەسەبىن جانە اۋدان اكىمدەرىنىڭ قىسقى ماۋسىمعا دايىندىعى تۋرالى تىڭدادى.
«بىزگە تولىقتاي دايىن تۇرۋ كەرەك, - دەدى استانا اكىمى باقىت سۇلتانوۆ. – كوممۋنالدىق قىزمەتتەر ساعات سياقتى جۇمىس ىستەپ تۇرۋى كەرەك, قالالىقتار اۋا رايىنىڭ قولايسىزدىعىنا بايلانىستى جولداردا جايسىزدىق سەزىنبەۋى ءتيىس». بۇدان باسقا, ب. سۇلتانوۆ قالانى سانيتارلىق تازالاۋعا كىرىستىرىلگەن مەردىگەرلىك ۇيىمدارمەن كەلىسىمشارتتى جاڭا فورماتقا اۋىستىرۋ تۋرالى ماسەلەنى قايتا قاراۋدى تاپسىردى (بۇگىندە ولار نارىقتىڭ 50 % قۇرايدى). جيىنعا قاتىسقاندار ءبىر جىلدىق كەلىسىمشارتتان «كەتىپ» جانە «جيناۋ جۇمىستارىنىڭ تۇرلەرىنە قاراي» كوپجىلدىق ءمجا-كەلىسىمشارتىن انىقتاپ, وزدەرىنە تيەسىلى قالانىڭ ۋچاسكەلەرىنىڭ تازالىعىنا تولىقتاي جاۋاپكەرشىلىكتى كومپانيا الاتىنداي ەتۋگە ۋادەلەسىپ تاراستى.
سونىمەن قاتار, قالا اۋداندارىن ءىرى ۋچاسكەلەرگە ءبولۋ تۋرالى ۇسىنىس ايتىلدى (سونىڭ ءبىر ۋچاسكەسى – ءمجا-كەلىسىمشارتى). مۇنداي قادام ءبىر عانا كومپانيانىڭ وزىنە قاراستى اۋدانعا قىزمەت كورسەتۋىن قامتاماسىز ەتۋگە مۇمكىندىك بەرەدى. كوپجىلدىق كەلىسىمشارت بيزنەسكە ينۆەستيتسيالىق سەنىم بەرەدى, ول تەحنيكالىق بازانى جاڭارتۋعا جانە ارنايى ترانسپورت پاركىن جاڭارتۋدىڭ مۇمكىندىگىن قامتاماسىز ەتەدى. اتالعان ۇسىنىستى قالانى سانيتارلىق تازالاۋعا كىرىسكەن كومپانيا-مەردىگەرلەر تولىقتاي قولدادى.
